IFFHS-მა სერია A გამოარჩია - რომელ ადგილზეა Crystalbet ეროვნული ლიგა
ფეხბურთის ისტორიისა და სტატისტიკის საერთაშორისო ფედერაცია ყოველი წლის დასრულების შემდეგ საუკეთესო საფეხბურთო ჩემპიონატს ასახელებს და ტრადიცია ამჯერადაც არ დარღვეულა - 2024 წლის საუკეთესო ლიგად იტალიის სერია A აღიარეს, რომელმაც 1992 ქულა დააგროვა და მეორე ადგილზე გასულ ესპანეთის ლა ლიგას 107 ქულით აჯობა, ხოლო მესამე პოზიცია ინგლისის პრემიერ ლიგამ დაიკავა, რომელიც უკანასკნელი 8 წლის განმავლობაში სამეულში ადგილს უცვლელად ინარჩუნებს.
შარშანდელი გამოკითხვის მსგავსად მეოთხეზეა ბრაზილიის სერია A, რომელიც გერმანიის ბუნდესლიგასა და არგენტინის პირველობას უსწრებს. მეშვიდე პოზიციაზე მყოფი პორტუგალიის პრიმეირა ლიგა საფრანგეთის ლიგას 1-ზე, სადაც ხვიჩა კვარაცხელიას, ზურიკო დავითაშვილისა და გიორგი მიქაუტაძის სახით სამი ქართველი ასპარეზობს, ერთი საფეხურით წინაა.
რაც შეეხებას საქართველოს Crystalbet ეროვნულ ლიგას, წინა წელთან შედარებით სერიოზული რეგრესი აქვს. თუ ჩვენი ქვეყნის შიდა პირველობა 2023 წელს 53-ე ადგილს იკავებდა, წელს 17-საფეხურიანი ვარდნა განიცადა და 70-ე პოზიციაზეა.
