მზად ვარ შემდეგ კვირაში ვიჩხუბო - დვალიშვილის პრესკონფერენცია
UFC 311-ის მთავარი მოვლენა მერაბ დვალიშვილისა და უმარ ნურმაგომედოვის საჩემპიონო ორთაბრძოლა გახლდათ. მებრძოლებმა საოცარი ორთაბრძოლა გვაჩუქეს. „მანქანამ“ UFC-ში ზედიზედ მე-12 გამარჯვება იზეიმა და საჩემპიონო ქამარი პირველად დაიცვა.
„მათ (იგულისხმება ორგანიზაცია UFC) მხოლოდ 7 დღე მომცეს, ამგვარად მე შემიძლია შემდეგი ბრძოლა შემდეგ კვირაში გავმართო.
ჩემთვის ბრძოლა პრობლემა არაა, გავიარო სავარჯიშო კემპი, დაველოდო, ეს რთულია, მაგრამ პარასკევი დილის შემდეგ დავიწყე დალევა და ჭამა, ცხოვრება ისევ კარგია და დღეს ისევ ჩვეულებრივი დღეა.
არ მადარდებდა, რომ ნურმაგომედოვთან ბრძოლა მელოდა, ჩემი ბრძოლის ჩვენება მსურდა, მაგრამ ამავე დროს მე ყოველდღიურად სპორტდარბაზში ვარ, ვცდილობ გავხდე უკეთესი და უკეთესი. დიდი მადლობა ჩემს გუნდს ნიუ-იორკში, ლას ვეგასში, ყველა ჩემს პარტნიორს სავარჯიშო პროცესში, რომლებიც დამეხმარნენ. განსაკუთრებული მადლობა ალჯამაინ სტერლინგს, ჭიდაობაში საოცარია, სხვა დონეზეა.
აქამდე ვთქვი, რომ აქ ჭიდაობისთვის არ ვიყავი, მინდოდა მეტოქისთვის მუშტი სახეში ჩამერტყა. ამისთვის კარგ შესაძლებლობას, კარგ მომენტს ვეძებდი.
ბევრს ვაქტიურობდი და არ შემეძლო 10 რაუნდი მეჩხუბა. მეტოქე ახალგაზრდა იყო. ვნახე ვიდეო, ის მოხუცს მიწოდებდა. მასთან მეგობრული საუბარი მქონდა. შესაძლოა, მე მასზე უფროსი ვარ, მაგრამ გამოცდილება მაქვს, მაგრად ვვარჯიშობ და მისი მსგავსი არ ვარ. ასაკი პრობლემა არაა, მე შემიძლია დაგამარცხო.
ნებისმიერს ველოდები, ვისაც ჩემთან ბრძოლა მარტში სურს. ვფიქრობ, ეს უმარი არ იქნება, რადგან ამ დროს რამადანია.
ბრძოლა დივიზიონის საუკეთესო ბიჭებთან მსურს. ეს ჩემთვის ამაღელვებელია, მაგრამ ვფიქრობ დივიზიონში ყველას დავამარცხებ''.
მერაბმა პრესკონფერენცია ქართულ ენაზე დაასრულა:
„საქართველო მადლობა ყველაფრისთვის. ჯიგრები ხართ, ჩვენ ეს კიდევ ერთხელ შევძელით. მადლობა ყველა კარგ ადამიანს, ვინც შრომის ფასი იცის და ვინც ჩვენი ქვეყნის პატრიოტია’’.
შეგახსენებთ, რომ ამ ორთაბრძოლამდე, დვალიშვილს 18 მოგება და 4 წაგება ჰქონდა, ნურმაგომედოვი კი დაუმარცხებელი მებრძოლის სტატუსით გახლდათ. მერაბი Pound for Pound რეიტინგში მეშვიდე ადგილს იკავებდა და ამ ღონისძიების შემდეგ, ცვლილებებს უნდა ველოდოთ.
