შენგელიას სუპერ მატჩი და MVP | ვირტუს ბოლონიამ ბაიერნს მოუგო
თორნიკე შენგელიას „ვირტუს ბოლონიამ“ ევროლიგის მიმდინარე სეზონში, მეშვიდე გამარჯვება იზეიმა. ქართველი კალათბურთელის გუნდი სტუმრად „ბაიერნს“ დაუპირისპირდა და მეტოქე კომფორტული სხვაობით დაამარცხა - 82:72.
შენგელიამ ფენომენალური შეხვედრა ჩაატარა და მატჩის MVP გახდა. ქართველმა კალათბურთელმა პარკეტზე 27 წუთი და 54 წამი გაატარა და მის ანგარიშზე 20 ქულა, 6 მოხსნა, 6 შედეგიანი გადაცემა და 2 დაფარებაა. შენგელიამ 11-დან 7 ორქულიანი და 7-დან 6 საჯარიმო ჩააგდო.
CON TUTTO QUELLO CHE ABBIAMO, LA VINCIAMO NOI ???????????? pic.twitter.com/PyPAkihQAR
— Virtus Segafredo Bologna (@VirtusSegafredo) January 17, 2025
შენგელიამ 6-დან 2 მოხსნა მეტოქის ფარზე მიითვალა და მის პასივში 2 დაკარგვა და ამდენივე პერსონალური ჯარიმა იყო. თორნიკეს სარგებლიანობის კოეფიციენტი 30 გახლდათ, რაც ორივე გუნდის რიგებში საუკეთესო მაჩვენებელი იყო და ქართველმა კალათბურთელმა MVP-ის ჯილდოც დაისაკუთრა.
ცნობისთვის, „ვირტუს ბოლონიას“ 7 მოგება და 15 წაგება აქვს და სატურნირო ცხრილის მე-16 პოზიციას იკავებს. ქართველი კალათბურთელის გუნდი მომდევნო შეხვედრას 20 იანვარს, „კრემონას“ წინააღმდეგ გამართავს.
