ტრავმის გამო, კამავინგა 3 კვირას გამოტოვებს
ედუარდო კამავინგა რამდენიმე კვირას ვერ ითამაშებს. მადრიდის „რეალის“ ფრანგმა ნახევარმცველმა „სელტასთან“ მატჩში ტრავმა მიიღო.
Radio Marca-ს ინფორმაციით, ფეხბურთელმა დისკომფორტი დამატებითი ტაიმის დროს იგრძნო, თუმცა სამწვრთნელო შტაბმა მას სთხოვა, ბოლომდე ეთამაშა.
მოგვიანებით კლუბის სამედიცინო სამსახურმა განაცხადა, რომ კამავინგას მარცხენა ფეხის ბარძაყის კუნთების ტრავმა დაუდგინდა.
Marca-ს ინფორმაციით, ფრანგი 3 კვირა ვერ ითამაშებს. ის შეიძლება მოედანზე 9 თებერვალს დაბრუნდეს, როდესაც სამეფო გუნდი „ატლეტიკოს“ დაუპირისპირდება.
ამ სეზონზე კამავინგამ ესპანეთის ჩემპიონატში 8 მატჩი ჩაატარა და თავი 2 ასისტით გამოიჩინა.
