Australian Open: მედვედევი 19 წლის მეტოქესთან დამარცხდა

ავსტრალიის ღია პირველობაზე ნაჩვენები შედეგების შემდეგ, US Open -2021 წლის გამარჯვებული, დანილ მედვედევი ATP-ის მსოფლიო რეიტინგის ტოპ-5-ს დატოვებს.

Australian Open-ის მეორე ტურში, რუსი ჩოგბურთელი მსოფლიოს 121-ე ჩოგანს, ლორნენ ტიენს დაუპირისპირდა.

მედვედევი 19 წლის ამერიკელთან ანგარიშით 3:6, 6:7 (4:7), 7:6 (10:8), 6:1, 6:7 (7:10) დამარცხდა და ტურნირს გამოეთიშა. დაძაბული მატჩი 4 საათსა და 53 წუთს გაგრძელდა.

შეგახსენენთ, რომ მედვედევი ტოპ-5-ში ადგილს 2023 წლის მარტიდან ინარჩუნებდა.