Marca: ალექსანდრ-არნოლდი რეალში გადადის

ტრენტ ალექსანდრ-არნოლდი მადრიდის „რეალში“ გადასვლას დათანხმდა. ამის შესახებ Marca წერს.

გამოცემის ინფორმაციით, „ლივერპულის“ მცველი სამეფო კლუბში გარანტირებულად გადავა - თუ მისი გაფორმება იანვარში ვერ მოხერხდება, ის გუნდს ზაფხულში შეუერთდება, როდესაც მას „წითლებთან“ კონტრაქტი ამოეწურება.

მანამდე ცნობილი გახდა, რომ „ლივერპულმა“ მადრიდელების შეთავაზება უარყო - „რეალმა“ ტრენტის სანაცვლოდ კლუბს დაახლოებით 15 მილიონი შესთავაზა.

შეგახსენებთ, რომ 26 წლის ფეხბურთელი „ლივერპულის“ აღზრდილია, პირველ გუნდში კი 2016 წლიდან თამაშობს.

დღემდე ყველა ტურნირზე ერთად, ტრენტმა 337 მატჩში მიიღო მონაწილეობა, 21 გოლი გაიტანა და 85 საგოლე გადაცემა შეასრულა.