„ნაპოლისთვის უკვე გადაიტვირთა“ - მასიმო კარერა ხვიჩას ტრანსფერზე

„იუვენტუსის“, „ატალანტას“ და „ნაპოლის“ ყოფილმა ფეხბურთელმა და ამჟამად მწვრთნელმა, მასიმო კარერამ Sport Express-თან საუბრისას ხვიჩა კვარაცხელიას პსჟ-ში ტრანსფერზე ისაუბრა და განაცხადა, რომ ქართველმა ფეხბურთელმა სწორი გადაწყვეტილება მიიღო.

რას ამბობს კარერა:

„ხვიჩამ დაამტკიცა, რომ უფრო მაღალ დონეზე თამაში შეუძლია. ალბათ, ის ნაპოლისთვის ცოტა გადატვირთულიაა, იმის მიუხედავად, რომ შეეძლო კლუბის ლეგენდა გამხდარიყო. პარიზში წასვლით მან სწორი გადაწყვეტილება მიიღო“.

პსჟ-ში ხვიჩა კვარაცხელიას ტრანსფერი ოფიციალურად მიმდინარე კვირის ბოლომდე გაოფიციალურდება. მანამდე, გავლენიანმა ექსპერტმა ფაბრიციო რომანომ დაწერა, რომ მხარეებმა შეთანხმებას ყველა დეტალზე მიაღწიეს და ქართველი შემტევის პარიზულ გუნდში თამაში 100%-ით გადაწყვეტილია.

გავრცელებული ინფორმაციით, პსჟ-ს „ნაპოლის“ 70 მილიონ ევროს გადაუხდის, ხვიჩას კი 5-წლიან კონტრაქტს გაუფორმებს. ასევე, ვრცელდება ინფორმაცია, რომ კვარა ანაზღაურების სახით წლიურად 9 მილიონ ევროს მიიღებს.

რომანო წერს, რომ პსჟ-ში უკვე დაინიშნა ხვიჩა კვარაცხელიას სამედიცინო შემოწმება და ეს მიმდინარე კვირის ბოლომდე მოხდება.