„ვასწავლი თვითმფრინავი როგორ დაიქირავოს“ - უაითი ხაბიბის ინციდენტზე

ხაბიბ ნურმაგომედოვთან დაკავშირებით თვითმფრინავში მომხდარ ინციდენტზე, რომელიც მას ლას ვეგასიდან სან ფრანცისკოში გამგზავრებისას შეემთხვა, კომენტარი ძალიან ბევრმა ადამიანმა გააკეთა. თუმცა, ბუნებრივია, განსაკუთრებით საინტერესო UFC-ის პრეზიდენტის დენა უაითის შეფასება გახლდათ, რომელიც მომხდარს ცოტა ირონიულად მიუდგა, თუმცა ლეგენდარული დაღესტნელი მებრძოლის დადებითი თვისებების გამორჩევა ამჯერადაც არ დავიწყებია.

რა თქვა დენამ

რატომ მგზავრობს ხაბიბი ასეთი დაბალბიუჯეტიანი ავიაკომპანიით? მას უამრავი ფული აქვს, მაგრამ იმდენად მოკრძალებული ადამიანია, რომ საკუთარი თავისთვის კომფორტის შექმნაზე არ ზრუნავს.

არცკი ვიცი თანამედროვე ეპოქაში რა უნდა გააკეთო, რომ თვითმფრინავიდან გამოგაგდონ. ნურმაგომედოვს იმდენად დიდი ფინანსები აქვს, უნდა დავუკავშირდე და ვასწავლო, როგორ დაიქირავოს კერძო თვითმფრინავი მითუმეტეს მაშინ, როდესაც ვეგასიდან სან-ფრანცისკოში სურს გადაფრენა.

Frontier Airlines-ში ნამდვილი სულელები მუშაობენ. მათ მივმართავ, საავარიო გასასვლელთან თქვენ თუ ვინმეს დახმარება გჭირდებათ, ეს პირველ რიგში ხაბიბ ნურმაგომედოვია. კიდევ ერთხელ ვამბობ, ასეთ მდიდარ ადამიანს, როგორიც ის არის, საერთოდ არ უნდა სცოდნოდა მსგავსი ავიაკომპანიის არსებობის შესახებ.

შეგახსენებთ, რომ ინციდენტი მას შემდეგ მოხდა, როდესაც ბორტზე ავარიულ გასასვლელთან მდებარე სავარძელზე მჯდომ ხაბიბს ბორტგამცილებლებმა სხვა ადგილზე გადაჯდომისკენ მოუწოდეს, რაზეც მან უარი განაცხადა. საბოლოოდ კი, თვითვმფრინავის დატოვება მოუხდა.