შეთანხმება ყველა დეტალზე მიღწეულია | კვარა პსჟ-სთან 5-წლიან კონტრაქტს გააფორმებს
ხვიჩა კვარაცხელიამ „კასტელ ვოლტურნო’’ დატოვა. ჟურნალისტმა მანუელ პარლატომ ვიდეო გაავრცელა თუ როგორ ტოვებს ქართველი შემტევი „ნაპოლის’’ საწვრთნელ ბაზას.
ქართველმა ფეხბურთელმა ნეაპოლში 2,5 წელი გაატარა, ყველა ტურნირის ჩათვლით 107 შეხვედრა ჩაატარა, 30 გოლი გაიტანა და 29 შედეგიანი გადაცემაა შეასრულა.
????????????????????????, ???????????????????????????? ???????????????????????????????????????????????????? ???????????????????????? ???????? ???????????????????????? ???????????????????????????????? ???????? ???????????????????????? ????????????????????????????????@manuelparlato ????#sportitalia #napoli #kvaratskhelia pic.twitter.com/YuyXiRNqqk
— Sportitalia (@tvdellosport) January 14, 2025
„პარი სენ-ჟერმენმა ნაპოლისთან, ხვიჩა კვარაცხელიას თაობაზე, პრინციპულ დეტალებზე შეთანხმებას მიაღწია. ტრანსფერის ღირებულება 70 მილიონ ევროს პლუს ბონუსებია. კვარა 5-წლიან კონტრაქტს გააფორმებს. საბოლოო თანხმობა კლუბების მფლობელებისგან და შემდეგ... Here we go“, - წერდა ფაბრიციო რომანო.
მოგვიანებით, ფაბრიციო რომანომ დაწერა, რომ მხარეები ყველა დეტალზე შეთანხმდნენ, პსჟ კვარაცხელიას სანაცვლოდ 70 მილიონ ევროს გადაიხდის, მხარეები 5-წლიან კონტრაქტს გააფორმებენ.
View this post on Instagram
ხვიჩა კვარაცხელია პსჟ-ში სამედიცინო შემოწმებას მიმდინარე კვირაში გაივლის. RMC Sport-ის ცნობით, ხელშეკრულება 2029 წლის 30 ივნისამდე გაფორმდება. ხელშეკრულება 1 წლით გახანგრძლივების ოფციას მოიცავს. კვარას წლიური ხელფასი 9 მილიონი ევრო იქნება, ხოლო ბონუსები წლიურად 2 მილიონს შეადგენს.
