შენგელია ბრუნდება | თოკო ჟალგირისთან ითამაშებს
„ვირტუს ბოლონიას“ ქართველი კალათბურთელი, თორნიკე შენგელია პარკეტს უბრუნდება. 33 წლის მძიმე ფორვარდს მუხლის პრობლემები ჰქონდა და 10 თამაში გამოტოვა, თუმცა ევროლიგის ეგიდით გასამართ მომდევნო შეხვედრაში, საკუთარ გუნდს დაეხმარება.
Corriere di Bologna-ს ინფორმაციით, შენგელიამ სარეაბილიტაციო პერიოდი გაიარა და „ჟალგირისთან“ ითამაშებს. თოკო გუნდს ლიეტუვაში გაჰყვა და 15 იანვარს, თბილისის დროით, 22:00-ზე ჩანიშნულ შეხვედრაში მიიღებს მონაწილეობს.
???? LA VIRTUS RECUPERA PEZZI
— Pianeta_Basket (@PianetaBasketIT) January 14, 2025
Shengelia e Zizic in partenza con la squadra in direzione Kaunas: le ultime dall'infermeria bianconera.https://t.co/4MXmmNHUCa
შეგახსენებთ, რომ „ვირტუს ბოლონიას“ არც თუ ისე კარგი სეზონი აქვს. იტალიურმა კლუბმა ევროლიგის ეგიდით გამართული 20 შეხვედრიდან მხოლოდ 6 მოიგო და სატურნირო ცხრილის მე-16 პოზიციას იკავებს. „ჟალგირისს“ რაც შეეხება, კაუნასელები მე-12 ადგილზე არიან.
ცნობისთვის, ევროლიგის მიმდინარე სეზონში, შენგელია პარკეტზე სასუალოდ 29 წუთს ატარებს და მისი მონაგარი 15.5 ქულა, 5.5 მოხსნა, 2.3 შედეგიანი გადაცემა, 0.6 ჩაჭრა და 0.4 დაფარებაა.
