„პსჟ დიდ ძალას შეიძენს“ - საფრანგეთში კვარაზე ისაუბრეს

გავლენიანი ფრანგული ტელევიზია RMC Sports-ის ჟურნალისტმა, დანიელ რიოლომ პსჟ-ში ხვიჩა კვარაცხელიას ტრანსფერზე ისაუბრა და პარიზულ გუნდს გადაწყვეტილება მოუწონა.

რას ამბობს რიოლო:

„კვარაცხელიას დამატებით, პსჟ-ის შეტევა უახლოეს პერიოდში შეტევაში მოდელირებას განიცდის. თუ კვარა ჩემპიონთა ლიგის დასკვნით ორ შეხვედრაში ვერ ითამაშებს, ნებისმიერ შემთხვევაში კლუბისთვის ეს ტრანსფერი წარმატებული იქნება, რადგან კვარა გუნდს დიდ ძალას შემატებს“.

პსჟ-მა და „ნაპოლიმ“ ხვიჩა კვარაცხელიას ტრანსფერის საკითხზე შეთანხმებას მიაღწიეს. გუშინ, პარიზული გუნდის წარმომადგენლები საფრანგეთის ქალაქ ნიცაში „ნაპოლის“ ხელმძღვანელებს შეხვდნენ და ტრანსფერის ძირითად დეტალებზე შეთანხმდნენ.

გავლენიანი ფრანგული გამოცემა Lequipe-ს ინფორმაციით, იურიდიული შეთანხმების გასაფორმებლად კიდევ რამდენიმე დეტალის გავლა მოუწევთ, რომელიც უახლოეს დღეებში საბოლოოდ გადაწყდება. ამასთან, ხვიჩას „ნაპოლისგან“ პსჟ-ში სამედიცინო შემოწმების გავლაზე ნებართვა ჯერ არ მიუღია, თუმცა ეს მხოლოდ დროის საკითხი იქნება.

Lequipe წერს, რომ დღის განმავლობაში, ხვიჩას აგენტი მამუკა ჯუღელი პსჟ-ს საფეხბურთო მრჩეველს ლუის კამპოსს შეხვდება და მხარეები საბოლოო დეტალებს შეათანხმებენ.

საგულისხმოა, რომ გუშინ, ყველა გავლენიანმა სატრანსფერო ექსპერტმა დაწერა, რომ პსჟ და „ნაპოლი“ საბოლოო შეთანხმებასთან ახლოს არიან და შესაბამისად, კვარა პარიზში გადასვლასთან ერთ ნაბიჯშია.