რამდენს იხდის პარი სენ-ჟერმენი კვარას სანაცვლოდ | ცნობილი ჟურნალისტების ბოლო ინფორმაცია
ხვიჩა კვარაცხელია კარიერას „პარი სენ-ჟერმენის“ რიგებში განაგრძობს. ავტორიტეტული იტალიელი ჟურნალისტების ინფორმაციით, კლუბებმა საბოლოო შეთანხმებას მიაღწიეს და ტრანსფერი ოფიციალურად უახლოეს საათებში დადასტურდება.
„პარი სენ-ჟერმენმა ნაპოლისთან, ხვიჩა კვარაცხელიას თაობაზე, პრინციპულ დეტალებზე შეთანხმებას მიაღწია. ტრანსფერის ღირებულება 70 მილიონ ევროს პლუს ბონუსებია. კვარა 5-წლიან კონტრაქტს გააფორმებს. საბოლოო თანხმობა კლუბების მფლობელებისგან და შემდეგ... Here we go“, - წერს ფაბრიციო რომანო.
???????????????? Paris Saint-Germain have reached verbal agreement in principle with Napoli for Khvicha Kvaratskhelia.
— Fabrizio Romano (@FabrizioRomano) January 13, 2025
Deal in place for €70m plus add-ons after story revealed here last week.
Five year deal ready for Kvara. ????
Final approval from the owners and then… here we go. pic.twitter.com/Vas4549QPd
ოდნავ განსხვავებულ ინფორმაციას ავრცელებენ ჯანლუკა დი მარციო და ნიკოლო სკირა. დი მარციოს მიხედვით, „ნაპოლი“ ფიქსირებული თანხის სახით, 75 მილიონ ევროს მიიღებს და ტრანსფერში სხვა ფეხბურთელი არ იქნება ჩართული. იმავე თანხას ასახელებს სკირა და დასძენს, რომ „კვარას“ ხელფასი 9 მილიონს პლუს 2 მილიონის ოდენობის ბონუსებია.
#Calciomercato | @sscnapoli, ai dettagli finali la cessione di #Kvaratskhelia al @PSG_inside https://t.co/1oS6ZvIDFn
— Gianluca Di Marzio (@DiMarzio) January 13, 2025
შეგახსენებთ, რომ კვარაცხელიამ „ნაპოლის“ მაისურით, ყველა ტურნირზე ერთად, 107 შეხვედრა ჩაატარა. ქართველი ფეხბურთელის ანგარიშზე 30 გოლი და 29 შედეგიანი გადაცემაა.
