გარნაჩო ნაპოლიში? - რას ითხოვს მანჩესტერ იუნაიტედი

ალეხანდრო გარნაჩომ კარიერა შესაძლოა ნაპოლიში გააგრძელოს. როგორც მანამდე დაიწერა, ანტონიო კონტე მასში ხვიჩა კვარაცხელიას შემცვლელს ხედავს.

ცნობილი იტალიელი ჟურნალისტის, ალფრედო პედულას თქმით, „ნაპოლიმ“ „მანჩესტერ იუნაიტედს“ არგენტინელი ვინგერის სანაცვლოდ 40 მილიონი ევრო და ბონუსის სახით, დამატებით 5 მილიონი ევრო შესთავაზა.

პედულას ცნობით, „წითელ ეშმაკებს“ დაახლოებით 60 მილიონი გირვანქა სტერლინგის მიღება სურთ, თუმცა ფასი შესაძლოა შეიცვალოს.

ამ სეზონზე, გარნაჩომ პრემიერ ლიგაზე 19 მატჩი ჩაატარა, 3 გოლი გაიტანა და 1 ასისტი მიითვალა.