ტაისონ ფიურიმ კარიერა დაასრულა
ტაისონ ფიურიმ კარიერის დასრულების შესახებ განაცხადა. WBC-ის ვერსიით, მძიმე წონაში ყოფილმა მსოფლიო ჩემპიონმა თავის გადაწყვეტილების შესახებ სოციალურ ქსელში გავრცელებულ ვიდეოში ილაპარაკა.
„ეს არაჩვეულებრივი იყო! მე ყველა წუთით ვტკბებოდი და ვაპირებ ამით დავასრულო. ღმერთმა დაგლოცოთ, სხვაგან შევხვდებით“, - თქვა 36 წლის ინგლისელმა მოკრივემ Instagram-ზე გამოქვეყნებულ ვიდეოში.
View this post on Instagram
ფიურის ბოლო ბრძოლა გასული წლის ბოლოს, ოლექსანრ უსიკთან ჰქონდა, რომელმაც ის ზედიზედ მეორედ დაამარცხა.
გულშემატკივრებმა საოცარი 12-რაუნდიანი ბრძოლა იხილეს, რომელშიც გადამწყვეტი უპირატესობა არცერთ მებრძოლს არ მოუპოვებია, თუმცა რიგ ეპიზოდებში უკრაინელი უკეთესი იყო.
ბრძოლის დასრულების შემდეგ, მსაჯების ერთსულოვანი გადაწყვეტილებით, გამარჯვებული უსიკი გახდა.
ფიურიმ კარიერის განმავლობაში 37 ბრძოლა ჩაატარა, საიდანაც 34 გამარჯვება მოიპოვა.
