„ხვიჩას ნებისმიერი ტოპ-კლუბის გაძლიერება შეუძლია“ - სიომინი შესაძლო ტრანსფერზე
პსჟ-ში ხვიჩა კვარაცხელიას მოსალოდნელ ტრანსფერზე მოსკოვის „ლოკომოტივში“ მისმა ყოფილმა მწვრთნელმა, იური სიომინმა ისაუბრა.
რას ამბობს სიომინი?
„მგონია, რომ ხვიჩა მინიმუმ 100 მილიონი ევრო ღირს, ის მსოფლიო დონის ფეხბურთელია და ამიტომ ეს საკმაოდ ნორმალური ფასია. პსჟ-ში შესაძლო ტრანსფერი? მჯერა, რომ ის საკუთარი თავისთვის საუკეთესო გადაწყვეტილებას მიიღებს. კვარაცხელიას ნებისმიერი ტოპ-კლუბის გაძლიერება შეუძლია“.
ბოლო დღეების განმავლობაში აქტიურად იწერება, რომ ხვიჩა კვარაცხელიამ პსჟ-სთან პირადი კონტრაქტი შეათანხმა, ანტონიო კონტემ კი პრესკონფერენციაზე განაცხადა, რომ ქართველმა ფეხბურთელმა კლუბს გაყიდვა მოსთხოვა. გავრცელებული ინფორმაციით, პარიზულ კლუბში ხვიჩას ტრანსფერი მომდევნო კვირაში უნდა განხორციელდეს.
