რონალდუმ კარიერაში 917-ე გოლი გაიტანა
კრიშტიანუ რონალდუმ 2025 წელი წარმატებულად დაიწყო.
„ალ-ნასრის“ პორტუგალიელმა თავდამსხმელმა საუდის არაბეთის ჩემპიონატის მე-14 ტურში, „ალ ახდუდთან“ შეხვედრის 42-ე წუთზე, პენალტი ზუსტად შეასრულა და კარიერაში 917-ე გოლი მიითვალა.
ამ დროისთვის საკლუბო დონეზე, რონალდუს 782 გოლი აქვს გატანილი, პორტუგალიის ნაკრების შემადგენლობაში კი -135.
შეგახსენებთ, რომ პორტუგალიელი ვარსკვლავი „ალ-ნასრში“ 2022 წელს გადავიდა. მას კლუბთან კონტრაქტი 2025 წლის ზაფხულამდე აკავშირებს. Transfermarkt-ზე რონალდუს ღირებულება 12 მილიონი ევროა.
