უოტფორდის თვის საუკეთესო გოლი | ჩაკვეტაძის მორიგი აღიარება ინგლისში
გიორგი ჩაკვეტაძემ კიდევ ერთი აღიარება მოიპოვა. „უოტფორდის“ გულშემატკივრებმა ქართველი ფეხბურთელის მიერ, „კარდიფის“ კარში შეგდებული ბურთი გამოარჩიეს და „ჩაკვე“ „უოტფორდის“ დეკემბრის თვის საუკეთესო გოლის ავტორი გახდა.
გამოკითხვა „კრაზანების“ ოფიციალური აპლიკაციის მეშვეობით ჩატარდა და ჩაკვეტაძის გარდა, ნომინაციაზე კვადვო ბაა, კორალ ჰაინსი და ვაკუნ ბაიო იყვნენ წარდგენილი. მეორე ადგილი ბაას გოლმა დაისაკუთრა, ჰაინსი კი მესამეზე გავიდა.
„ჩაკვეს“ „უოტფორდის“ მაისურით ორი ბურთი აქვს შეგდებული და ორივეჯერ „კრაზანების“ თვის საუკეთესო გოლის ავტორი გახდა. აგვისტოში, ინგლისური კლუბის გულშემატკივრებმა მის მიერ „მილუოლთან“ გატანილი ბრწყინვალე ჯარიმა გამოარჩიეს.
შეგახსენებთ, რომ ქართველმა შემტევმა ინგლისის ჩემპიონშიფის მიმდინარე სეზონში 25 მატჩი ჩაატარა, 2 გოლი გაიტანა და 5 საგოლე გადაცემა შეასრულა.
