კვარას ფასი და პოზიცია - ყველაზე ძვირადღირებული 100 მოთამაშე

CIES Football Observatory მსოფლიოში პროფესიონალ ფეხბურთელთა ოფიციალურ სატრანსფერო ფასს ადგენს და ეტაპობრივად განახლებად რეიტინგებს გვთავაზობს.

ამჯერად, ვებ გვერდმა ამჟამად მსოფლიოში ყველაზე ძვირადღირებული 100 ფეხბურთელის სატრანსფერო ფასი წარმოადგინა. სიაში ხვიჩა კვარაცხელიაც იმყოფება.

კვარაცხელია 74-ე ადგილზე იმყოფება. მისი ღირებულება 70.5 მილიონ ევროდ არის შეფასებული.

აღსანიშნავია, რომ ტრანსფერმარკტი ხვიჩას 85 მილიონ ევროდ აფასებს. ხვიჩას აგენტი მამუკა ჯუღელი „ნაპოლის“ გამოსასყიდ თანხად 80 მილიონის მითითებას სთხოვს. დე ლაურენტისი კი 100 მილიონზე ნაკლებზე უარს აცხადებს.

რაც შეეხება სიის სათავეს. ყველაზე ძვირადღირებულ მოთამაშედ ჯუდ ბელინგემი დასახელდა - 251.4 მილიონი ევრო. მეორე ადგილზე 221.5 მილიონი ევროთი ერლინგ ჰოლანდია. მესამეზე 205.7 მილიონი ევროთი ვინისიუსი იმყოფება. მე-4 პოზიცია 180.3 მილიონით ლამინ იამალმა დაიკავა. ხოლო მეხუთე პოზიციაზე 175.2 მილიონით კილიან მბაპეს ვხედავთ.