ნეიმარი: ვეთანხმები რონალდუს - საუდის ლიგა საფრანგეთის ლიგა 1-ზე უკეთესია

რამდენიმე კვირის წინ, კრიშტიანუ რონალდუს ინტერვიუს დიდი გამოხმაურება მოჰყვა. პორტუგალიელმა განაცხადა, რომ საუდის პრო ლიგა საფრანგეთის ლიგა 1-ზე მაღალი დონისაა.

კრიშტიანუს ადილ რამიმ სულელი უწოდა. ამჯერად, CNN-თან ინტერვიუში ნეიმარი რონალდუს გამოეხმაურა და მას დაეთანხმა.

„ვეთანხმები რონალდუს. დღეს, საუდის პრო ლიგა საფრანგეთის ლიგა 1-ზე მაღალი დონისაა. საქმე იმაშია, რომ აქ ჩემპიონატის დონე ყოველწლიურად იზრდება. სულ უფრო და უფრო მეტი მაღალი დონის მოთამაშე გადმოდის საუდის არაბეთში. უკვე აქ იმაზე მეტი უმაღლესი დონის ფეხბურთელია, ვიდრე საფრანგეთში.

თუმცა, საფრანგეთის ლიგა 1-იც ძლიერი ჩემპიონატია. მე კარგად ვიცი იქ თამაში რასაც ნიშნავს. საკმაოდ რთული ლიგაა, სადაც მატჩების მოგება მარტივი არასდროსაა“.

- განაცხადა ნეიმარმა.

ადილ რამი რონალდუს სულელს უწოდებს

„ის ლაპარაკობს სისულელეებზე. გნებავთ საუდის არაბეთში მცველების სურათები ვაჩვენო? მხოლოდ იმიტომ, რომ მას გიჟური კარიერა აქვს, არ ნიშნავს, რომ ყოველ ჯერზე, რაღაცას ის იტყვის, ეს სიმართლე იქნება. მე ვფიქრობ, რომ ეს არის სარეკლამო ტრიუკი. შეეცადეთ ითამაშოთ მონაკოს, ლილის ან მარსელის წინააღმდეგ. გამოდით თქვენს პატარა გუნდთან ერთად ბრესტის წინააღმდეგ.

ჩვენ პლანეტაზე ყველაზე დიდი სელექციის ადგილი გვაქვს, ბრაზილიასთან ერთად. ჩვენი მცველები მანქანებივით არიან. დააყენეთ რონალდუ მათ წინააღმდეგ ლიგა 1-ში და მას შეჭამენ“.

- უპასუხა რამიმ რონალდუს განცხადებას.