1-წლიანი პაუზის შემდეგ პირველად, ალაბა რეალის შემადგენლობაში დაბრუნდა

დავიდ ალაბა მადრიდის „რეალის“ შემადგენლობაში დაბრუნდა. 32 წლის უკანახაზელი ტრავმის შემდეგ პირველად „მალიორკასთან“ ითამაშებს.

მატჩი 9 იანვარს, საუდის არაბეთში გაიმართება.

შეგახსენებთ, ავსტრიელმა მცველმა მუხლის ჯვარედინი მყესების ტრავმა 2023 წლის 18 დეკემბერს მიიღო და მას შემდეგ 60 მატჩი გამოტოვა.

ალაბა „რეალში“ 2021 წლიდან ასპარეზობს და მას შემდეგ როგორც ლა ლიგა, ასევე ჩემპიონთა ლიგა ორჯერ, ესპანეთის სამეფო თასი, ესპანეთის სუპერ თასი, ევროპის სუპერ თასი და მსოფლიოს საკლუბო ჩემპიონატი კი თითოჯერ მოიგო.