ოფიციალურად | მუსელიანი კვიპროსში ითამაშებს
კრისტალბეთ ეროვნული ლიგის 2023 სეზონის თანასაუკეთესო ბომბარდირი, ზურაბ მუსელიანი კარიერას კვიპროსის სუპერლიგაში გააგრძელებს.
25 წლის ქართველი თავდამსხმელი „პარამლინის“ ფეხბურთელი გახდა. ინფორმაციას თავად კლუბი ავრცელებს.
„მივესალმებით ახალ წევრს ჩვენს საფეხბურთო ოჯახში და გუნდთან ერთად წარმატებებს ვუსურვებთ მას“, – წერია კლუბის ვებგვერდზე.
ზურაბ მუსელიანის ბოლო კლუბი სამხრეთკორეული „გიეონგნამი“ იყო. მანამდე ის „გაგრას“ „შუქურას“ ღირსებას იცავდა, კარიერა კი „ვიტ ჯორჯიაში“ დაიწყო.
