ხუთმაგი დუბლი | კირა რეინოლდსის საოცარი მატჩი
კირა რეინოლდსმა საკალათბურთო სამყარო აალაპარაკა. „საუზ ბენდ ვაშინგტონის“ უმაღლესის სკოლის გუნდის მოთამაშემ საოცარი მატჩი ჩაატარა და „ნიუ პრეირის“ წინააღმდეგ ხუთმაგი დუბლი მიითვალა.
რეინოლდსმა მატჩი 14 ქულით, 18 მოხსნით, 12 შედეგიანი გადაცემით, 11 ჩაჭრითა და 10 დაფარებით დაასრულა, მისმა გუნდმა კი 85:12 იმარჯვა. ESPN-ის მიხედვით, კირა მე-5 კალათბურთელია, რომელმაც ხუთმაგი დუბლი შეასრულა. აქამდე, მსგავსი რამ მხოლოდ ტამიკა კეჩინგსს, ალექს მონტგომერის, აიმი ოერტნერსა და კიონა ქრისმასს გაუკეთებიათ.
Purdue signee and Indiana Miss Basketball candidate Kira Reynolds posted insane numbers over the weekend, leading South Bend Washington (IN) to their 15th win of the season!
— SportsCenter NEXT (@SCNext) January 6, 2025
Reynolds is the first player in Indiana history to record a quintuple-double ???????? pic.twitter.com/lPIbxoAwJG
საინტერესოა, რომ ხუთმაგი დუბლის ყველა შემთხვევა ქალთა კალათბურთში, სკოლის დონეზე დაფიქსირდა. NBA-ში ან WNBA-ში მსგავსი რამ არასდროს მომხდარა და ოთხმაგი დუბლიც დიდი იშვიათობაა. NBA-ში მხოლოდ 4 ოთხმაგი დუბლი ყოფილა.
ბოლო კალათბურთელი, ვინც ნაციონალურ საკალათბურთო ასოციციაში ოთხმაგი დუბლი გაიფორმა, დევიდ რობინსონია. მან ეს 1994 წლის 17 თებერვალს გააკეთა - 34 ქულა, 10 მოხსნა, 10 ასისტი, 10 დაფარება.
