დეკემბრის თვის საუკეთესო გოლი - გამოკითხვაში მონაწილეობას ჩაკვეტაძეც იღებს
გიორგი ჩაკვეტაძე „უოტფორდის“ დეკემბრის თვის საუკეთესო გოლის ავტორობისთვის იბრძვის. ინგლისურმა კლუბმა გამოკითხვის შესახებ პოსტი ცოტა ხნის წინ სოციალურ ქსელში გამოაქვეყნა, ხმის მიცემის მსურველებს კი საკუთარი პოზიციის დაფიქსირება კლუბის მობილურ აპლიკაციაში შეუძლიათ.
გიორგი ჩაკვეტაძის გარდა, დეკემბრის თვის საუკეთესო გოლის ავტორობისთვის კიდევ სამი ფეხბურთელი იბრძვის - ვაკუნ ბაიო, კვადვო ბაა და ქალთა გუნდის წევრი კორალ ჰაინესი.
View this post on Instagram
გიორგი ჩაკვეტაძემ გოლი 29 დეკემბერს, ჩემპიონშიფის 24-ე ტურში, „კარდიფის“ წინააღმდეგ გაიტანა, „უოტფორდი“ კი ამ მატჩში საკუთარ მოედანზე 1:2 დამარცხდა.
ქართველმა შემტევმა ჩემპიონშიფის მიმდინარე სეზონში 25 მატჩი ჩაატარა, 2 გოლი გაიტანა და 5 საგოლე გადაცემა შეასრულა.
