„კვარას პრობლემები აქვს, ნერეში კი...“ - რას ამბობს იტალიელი ჟურნალისტი

იტალიელმა ჟურნალისტმა, ჯანი ბეზიმ „ნაპოლიზე“ ილაპარაკა. მისი თქმით, კონტეს დავიდ ნერეშსა და ხვიჩა კვარაცხელიას შორის არჩევანის გაკეთებამ რომ მოუწიოს, ის ბრაზილიელ ფეხბურთელს აირჩევს.

რა თქვა ბეზიმ:

„კვარას პრობლემები აქვს. ის ძალიან პროგნოზირებადი გახდა ტაქტიკური თვალსაზრისით და კონტეს მოუწევს რამე მოიფიქროს, მაგრამ ამ მომენტისთვის ნერეში ფლანზე უბრალოდ გამანადგურებელია. ის არაჩვეულებრივი შენაძენია კლუბისთვის“.

„ნაპოლის“ საუკეთესო დაცვა ჰყავს ევროპაში და ამის უდავო ფაქტები არსებობს. არ ვფიქრობ, რომ კვარასა და ნერეშს ერთად ვნახავთ, რადგან კონტეს მეტი ბალანსი სურს“.

შეგახსენებთ, რომ მუხლის ტრავმის გამო, ხვიჩამ „ნაპოლის“ ბოლო მატჩი გამოტოვა, რომელიც „პარტენოპეიმ“ „ფიორენტინასთან“ გამართა და 3:0 იმარჯვა. ნეაპოლელთა მხრიდან ერთი გოლი დავიდ ნერეშმა გაიტანა, რომელიც „კვარას“ მთავარ კონკურენტად მოიაზრება.

მიმდინარე სეზონში, კვარაცხელიამ სერია A-ში 17 მატჩი ჩაატარა, 5 გოლი გაიტანა და 3 საგოლე გადაცემა შეასრულა.