სანახაობრივი ფრე ენფილდზე - ლივერპულმა და მან. იუნაიტედმა ქულები გაიყვეს

ინგლისის პრემიერ ლიგის მე-20 ტურის ცენტრალურ მატჩში, „ლივერპული“ საკუთარ მოედანზე „მანჩესტერ იუნაიტედს“ დაუპირისპირდა და სანახაობრივ შეხვედრაში ფრედ, 2:2 ითამაშა.

ანგარიში 52-ე წუთზე „მანჩესტერ იუანიტედმა“ ლისანდრო მარტინესის გოლით გახსნა, 59-ე წუთზე კი კოდი გაკპომ წონასწორობა აღადგინა.

70-ე წუთზე, მოჰამედ სალაჰმა „ლივერპული“ ზუსტადშესრულებული თერთმეტმეტრიანით დააწინაურა, ზუსტად 10 წუთში კი დიალომ ანგარიში გაათანაბრა და „წითელი ეშმაკები“ მარცხისგან იხსნა.

დარჩენილ დროში გოლის გატანა ორივე გუნდს შეეძლო, თუმცა, ანგარიში აღარ შეცვლილა.

20 ტურის შემდეგ პრემიერ ლიგის სატურნირო ცხრილს 46 ქულით კვლავ „ლივერპული“ ლიდერობს, „მანჩესტერ იუნაიტედი“ კი 23 ქულით მე-13 ადგილზე იმყოფება.