ნაპოლიმ ფიორენტინას მოუგო - ხვიჩამ ტრავმის გამო ვერ ითამაშა
იტალიის სერია ა-ს მორიგ ტურში ნაპოლი ფიორენტინას ესტუმრა და საკმაოდ მარტივად 3:0 დაამარცხა.
გულშემატკივრებმა მხიარული მატჩის იხილეს. მომენტებს ორივე გუნდი ქმნიდა, თუმცა უფრო ზუსტი პარტენოპეი იყო.
აღსანიშნავია, რომ თამაშში მონაწილეობა ხვიჩა კვარაცხელიას არ მიუღია. გუშინ გავრცელდა ინფორმაცია, რომ ქართველ ფეხბურთელს კვლავ მუხლის ტრავმა აქვს და მისი დაბრუნების თარიღი ჯერჯერობით უცნობია.
ცნობისთვის, ნაპოლის მხრიდან გოლები დავიდ ნერეშმა, რომელუ ლუკაკუმ და სკოტ მაკტომინეიმ გაიტანეს.
შეგახსენებთ, რომ შემდეგ ტურში ანტონიო კონტეს გუნდი ვერონას უმასპინძლებს. აღნიშნული დაპირისპირება 12 იანვრით თარიღდება და თბილისის დროით 23:45-დან დაიწყება.
