ხაბიბი: „დაღესტანში საუკეთესოები არიან“

ხაბიბ ნურმაგომედოვი ამჟამად სამშობლოში იმყოფება და ისლამ მახაჩევს არმან ცარუკიანის წინააღმდეგ საბრძოლველად ამზადებს, თუმცა მედიის წარმომადგენლებთან სასაუბროდ დრო მაინც რჩება და საკმაოდ საინტერესო მოსაზრებებსაც აყალიბებს. ერთ-ერთ ინტერვიუში, UFC-ის ლეგენდამ დაღესტნელი მებრძოლების სიძლიერესა და დანარჩენების მიმართ მათ უპირატესობებზე ისაუბრა.

ხაბიბ ნურმაგომედოვი

მსოფლიოში რამდენი ორგანიზაციაა, მაგრამ თითოეული მათგანი დაღესტნელი მებრძოლის საკუთარ რიგებში მიღებას ერიდება. მიზეზი? ეშინიათ, რადგან იციან, რომ თითოეული ჩემი თანამემამულე ჩემპიონი გახდება. თუ ვინმეს ჩემი სიტყვების არ სჯერა, შეუძლია ჩავიდეს დაღესტანში და ნახოს როგორ ემზადებიან სპორტსმენები მნიშვნელოვანი ორთაბრძოლებისთვის.

მოდით ვიყოთ გულახდილები და მაგალითად ირლანდიაში ნამდვილი მებრძოლები საერთოდ არ არიან. რამდენი მაგარი მებრძოლი გახსენდებათ ამ ქვეყნიდან? პოლ ჰიუზი და კონორ მაკგრეგორი, კიდევ ვინ? ჩემი აზრით ირლანდიელებს MMA-ში იმის ნახევრისთვისაც კი არ მიუღწევიათ, რასაც დაღესტნელებმა მიაღწიეს.

შეგახსენებთ, რომ ხაბიბ ნურმაგომედოვი მსუბუქ წონით დივიზიონში UFC-ის ყველაზე ხანგრძლივი ჩემპიონი გახლდათ და ის ქამარს 2018 წლის აპრილიდან 2021 წლის მარტამდე ფლობდა.