მენდესი: დარწმუნებული ვარ, ისლამი მოიგებს - ის საუკეთესოთა შორის საუკეთესოა

ისლამ მახაჩევის მწვრთნელმა, ხავიერ მენდესმა არმან ცარუკიანთან დაგეგმილ ჩხუბზე კიდევ ერთხელ ილაპარაკა, რომელიც სულ მალე ლოს-ანჯელესში გაიმართება.

ეს დაღესტნელი და სომეხი მებრძოლების მეორე ბრძოლაა.

„პირველი ჩხუბის მერე მე გავიფიქრე: „ეს ბიჭი ძალიან კარგია და დროთა განმავლობაში კიდევ უკეთესი გახდება“. ასე ვფიქრობდი. ახლა ისლამი მას ისევ ეჩხუბება. ვიცოდი, რომ ეს მოხდებოდა. არმანმა მაშინ საკუთარი თავი ძალიან კარგად აჩვენა. მაშინ ის ძალიან ახალგაზრდა იყო, მაგრამ გამოცდილება არ ჰქონდა. ამ ჯერზე ის აპირებს გვამუშაოს, მაგრამ ისლამი საუკეთესო მებრძოლების რეიტინგში პირველია, წონითი კატეგორიის მიუხედავად, ამიტომაც დარწმუნებული ვარ, ის მოიგებს - ისლამი საუკეთესოთა შორის საუკეთესოა“, - თქვა მენდესმა Hablemos MMA-სთან ინტერვიუში.

შეგახსენებთ, რომ ისლამ მახაჩევს ბრძოლა არმან ცარუკიანთან აქვს, რომელიც 19 იანვარს, UFC 311-ზე გაიმართება და ღონისძიების მთავარი მოვლენა იქნება.

მათი პირველი დაპირისპირება 2019 წლის აპრილში, UFC Fight Night 149-ზე გაიმართა და ის ისლამის გამარჯვებით დასრულდა.