გადაწყვეტილია - დანილო ნაპოლის იანვარში შეუერთდება
როგორც მოგეხსენებათ, ანტონიო კონტე აქტიურად ცდილობს ნაპოლის დაცვის ხაზის გაძლიერებას. პარტენოპეის არაერთ ფეხბურთელი დაუკავშირეს, თუმცა იტალიური მედია ყველაზე მეტს დანილოზე წერდა.
როგორც ჩანს, ტრანსფერი შედგება. Corriere della Sera-ს ინფორმაციით, ბიანკონერი ბრაზილიელ ფეხბურთელს ორმხრივი შეთანხმების საფუძველზე კონტრაქტს ვადაზე ადრე გაუწყვეტს.
დანილოს ხელშეკრულება 2025 წლის ივნისში იწურება, თუმცა ტურინელები მას ნაპოლიში წასვლის უფლებას აძლევენ. ასე კი ბებერი ქალბატონი სოლიდურ თანხას 5 მილიონ ევროს დაზოგავს. ეს თანხა ივნისის ბოლომდე დანილოს ხელფასის სახით უნდა აეღო.
შეგახსენებთ, რომ 33 წლის ფეხბურთელი იუვენტუსს 2019 წელს შეუერთდა. 2019 წლიდან დღემდე, მან ბიანკონერის მაისური ყველა ტურნირზე ერთად 213-ჯერ მოირგო, 9 გოლი გაიტანა და 14 საგოლე გადაცემა შეასრულა.
რაც შეეხება ნაპოლის, 2024 წელი კონტეს გუნდმა 41 ქულით მეორე ადგილზე დაასრულა. ამავე რაოდენობის ქულები აქვს ატალანტას, თუმცა ურთიერთშეხვედრებში დაფიქსირებული უკეთესი შედეგის გამო, პირველ პოზიციას ბერგამოული კლუბი იკავებს.
ასევე აღსანიშნავია ის ფაქტიც, რომ ინტერი მესამე ადგილზე 40 ქულით იმყოფება, თუმცა ნერაძურის 1 მატჩით ნაკლები აქვს ჩატარებული. ფიორენტინასთან გადადებული თამაშის მოგების შემთხვევაში, ინტერი სერია ა-ს ჩაუდგება სათავეში.
