ამორიმი: “პრემიერ ლიგიდან გავარდნა შესაძლებელია“

მანჩესტერ იუნაიტედის კატასტროფული მდგომარეობა გრძელდება. პრემიერ ლიგის გასულ ტურში წითელი ეშმაკები ნიუკასლთან დამარცხდნენ.

მატჩის დასრულების შემდეგ, იუნაიტედის მთავარი მწვრთნელი რუბენ ამორიმი მეტად ემოციური იყო და ხმამაღალი განცხადება გააკეთა.

რა თქვა ამორიმმა?

„პრემიერ ლიგიდან გავარდნა შესაძლებელია. გულშემატკივრებთან გულწრფელი უნდა ვიყო. რაღაც აუცილებლად უნდა შევცვალოთ. ეს სეზონი აბსოლუტურად ყველასთვის რთული იქნება. ასეთმა სიტუაციამ ჩვენზე უარყოფითად არ უნდა იმოქმედოს, პირიქით გაგვაძლიეროს. ჩვენ ყველამ ერთად უნდა ვიბრძოლოთ.

ნამდვილად რთული სიტუაციაა. ეს არის ერთ-ერთი ყველაზე ცუდი მომენტი მანჩესტერ იუნაიტედის ისტორიაში. ზომები უნდა მივიღოთ!! კიდევ ერთი ასეთი ცუდი მარცხი ჩვენი გულშემატკივრების წინაშე საშინელება იქნება.“

შეგახსენებთ, რომ მანჩესტერ იუნაიტედმა ბოლო 3 საშინაო მატჩიდან სამივე წააგო. ასევე დაფიქსირდა 2 ანტი-რეკორდი. 1964 წლის შემდეგ პირველად, მანჩესტერმა დეკემბერში 18+ გოლი გაუშვა. ასევე, იუნაიტედმა ბოლო 35 წლის განმავლობაში, კალენდარული წელი პირველად დაასრულა მე-7 ადგილზე დაბლა.

ამ მომენტისთვის, ამორიმის გუნდს 22 ქულა აქვს და მე-14 ადგილზე იმყოფება. შემდეგ ტურში, წითელი ეშმაკები ლივერპულს ესტუმრებიან. აღნიშნული დაპირისპირება 5 იანვრით თარიღდება და თბილისის დროით 20:30-დან დაიწყება.