ადილ რამი: რონალდუ სისულელეებს ლაპარაკობს, მას ლიგა 1-ში შეჭამენ

კრიშტიანუ რონალდუს განცხადებას დიდი გამოხმაურება მოჰყვა. პორტუგალიელმა რამდენიმე დღის წინ, საუდის არაბეთის პრო ლიგა საფრანგეთის ლიგა 1-ზე წინ დააყენა. მან აღნიშნა, რომ პსჟ-ს გარდა იქ ყველა ერთი დონისაა.

საფრანგეთის ნაკრების ყოფილი მცველი ადილ რამი რონალდუს პასუხობს.

„ის ლაპარაკობს სისულელეებზე. გნებავთ საუდის არაბეთში მცველების სურათები ვაჩვენო? მხოლოდ იმიტომ, რომ მას გიჟური კარიერა აქვს, არ ნიშნავს, რომ ყოველ ჯერზე, რაღაცას ის იტყვის, ეს სიმართლე იქნება. მე ვფიქრობ, რომ ეს არის სარეკლამო ტრიუკი.

შეეცადეთ ითამაშოთ მონაკოს, ლილის ან მარსელის წინააღმდეგ. გამოდით თქვენს პატარა გუნდთან ერთად ბრესტის წინააღმდეგ.

ჩვენ პლანეტაზე ყველაზე დიდი სელექციის ადგილი გვაქვს, ბრაზილიასთან ერთად. ჩვენი მცველები მანქანებივით არიან. დააყენეთ რონალდუ მათ წინააღმდეგ ლიგა 1-ში და მას შეჭამენ.

მე რონალდუს ქომაგი ვარ, მაგრამ მან შეცდომა დაუშვა. როდესაც ის ამბობს, რომ საუდის არაბეთის ლიგა სჯობს საფრანგეთის ლიგას, ის უამრავ ადამიანს შეურაცხყოფას აყენებს“,

- ამბობს ადილ რამი RMC Sport-თან საუბრისას.