„ინტერს სკუდეტოს მოგება მეორე გუნდითაც შეუძლია“ - კასანო სერია A-ს ფავორიტებზე

ვეტერანმა იტალიელმა ფეხბურთელმა, ანტონიო კასანომ Viva el Futbol-ის ეთერში სკუდეტოს ფავორიტებზე ისაუბრა და „ინტერი“ გამოარჩია. კასანომ აღნიშნა, რომ „ნერაძური“ იტალიის ჩემპიონატის მოგებას მეორე შემადგენლობითაც შეძლებს.

რას ამბობს კასანო:

„ინტერი“ სხვა გუნდებთან შედარებით, გაცილებით ძლიერია. ინძაგის სკუდეტოს მოგება მეორე გუნდითაც შეუძლია. იციან, რა უნდა გააკეთონ, რომ კიდევ უფრო ძლიერები გახდნენ. 2020, ან 2022 წლის შემადგენლობის ინტერს ამ გუნდთან ალტერნატივა არ აქვს. ამ ფორმაციის გუნდით ინძაგის ნებისმიერი რამის გაკეთება შეუძლია“.

18 ტურის შემდეგ, „ინტერი“ სატურნირო ცხრილში 40 ქულით მე-3 ადგილზე იმყოფება, თუმცა, კონკურენტებთან შედარებით ერთით ნაკლები მატჩი აქვს გამართული. 1-2 ადგილებს 41-41 ქულით „ატალანტა“ და „ნაპოლი“ ინაწილებენ.