ილია თოფურია MMA Fighting-ის წლის საუკეთესო მებრძოლია

MMA Fighting-მა, რომელიც MMA-ის ჟურნალისტურ სივრცეში, ერთ-ერთი ყველაზე პოპულარული პორტალია, 2024 წლის საუკეთესო მებრძოლად ილია თოფურია დაასახელა.

„თოფურიამ არა მხოლოდ ჩემპიონობა მოიპოვა, მან საკუთარი თავი დააყენა გზაზე, სადაც შეუძლია ქვემსუბუქ დივიზიონში ყველა დროის საუკეთესო მებრძოლი გახდეს. ეს არ არის ჰიპერბოლა. მან ახლახან დაამარცხა 3 საუკეთესო მებრძოლიდან 2, რომლებიც ამ დივიზიონში გამოდიან“, - წერს MMA Fighting-ი.

როგორც მოგეხსენებათ, წლის საუკეთესო მებრძოლის ჯილდოს მთავარი ფავორიტები ილია თოფურია და ალექს პერეირა არიან.

MMA Fighting-ის გარდა, „ელ მატადორი“ საუკეთესოდ MMA Junkie-მა და CBS Sports-მაც დაასახელეს.

შეგახსენებთ, რომ ილიამ ჯერ ალექსანდრ ვოლკანოვსკი დააფინიშა და ჩემპიონი გახდა, შემდეგ კი მაქს ჰოლოუეი დაანოკაუტა.