“დე იონგის წასვლა? ეს სისულელეა“ - აგენტმა ჭორები უარყო
დღეს გავრცელდა ინფორმაცია, რომ კატალონიის ბარსელონამ ფრენკი დე იონგი ტრანსფერზე დააყენა. Goal.Com-ის ინფორმაციით, ნიდერლანდელი ნახევარმცველი ჰანსი ფლიკის გეგმებში არ შედის.
ამის პარალელურად კი 27 წლის ფეხბურთელის აგენტმა დურსუმნმა ტელეგრაფთან საუბრისას ყველაფერი უარყო.
რა თქვა დურსუნმა?
„გავრცელებული ხმები ფრენკის შესაძლო წასვლის შესახებ სისულელეა. ეს აშორებს დე იონგს იმისგან, რაც მას ნამდვილად სურს - ბრწყინავდეს ბარსელონაში, კლუბში, რომელიც მას ყველაზე მეტად უყვარს. ვინ იცის, შესაძლოა ბარსა და ფრენკი დიდხანს დარჩნენ ერთად.“
შეგახსენებთ, რომ გასული წლის ზაფხულში ნიდერლანდელის გადაბირება მანჩესტერ იუნაიტედს სურდა, თუმცა იმ დროს, ბლაუგრანას ჩავი ერნანდესი ხელმძღვანელობდა და მისი კატეგორიული მოთხოვნით, დე იონგი გუნდში დარჩა.
ასევე გეტყვით, რომ ფრენკი კატალონიურ გრანდში 2019 წლიდან თამაშობს. რემდე ყველა ტურნირზე ერთად 226 მატჩში მიიღო მონაწილეობა, 18 გოლი გაიტანა და 22 საგოლე გადაცემა შეასრულა. მისი კონტრაქტი კი 2026 წელს იწურება.
