ვინის ახალ კონტრაქტს უმზადებენ - ბრაზილიელი მბაპესთან გათანაბრებას ითხოვს
წლევანდელი სეზონის დასრულებისთანავე „რეალის“ ხელმძღვანელები ვინისიუს ჟუნიორთან ახალი კონტრაქტის გაფორმების თაობაზე მოლაპარაკებებს დაიწყებენ. მოქმედი ხელშეკრულება 2027 წლის ზაფხულამდეა გათვლილი, რომლის მიხედვითაც ის ყოველწლიურად 10 მილიონ ევროს იღებს. თავად 24 წლის ბრაზილიელი ფეხბურთელისა და მისი აგენტის სურვილია, რომ მას ზუსტად იმდენი გადაუხადონ, რამდენსაც კილიან მბაპე (20 მლნ) გამოიმუშავებს.
იმ შემთხვევაში თუ ვინისიუსთან შეთანხმების მიღწევა ვერ მოხერხდა, მას საუდის არაბეთიდან კიდევ ერთხელ დაუკავშირდებიან და მათი ქვეყნის ჩემპიონატში ასპარეზობას შესთავაზებენ. „ალ-აჰლის“ მიერ შეთავაზებული საოცარი ფინანსური პირობები ახლაც ძალაშია, რომლებიც მზად არიან ბრაზილიელს 5-წლიანი კონტრაქტის სანაცვლოდ მილიარდი ევრო გადაუხადონ.
ლა ლიგის წლევანდელ სეზონში გამართულ 14 შეხვედრაში სამეფო კლუბის მეშვიდე ნომრის ანგარიშზე 8 გოლი და 5 საგოლე გადაცემაა. შეგახსენებთ, რომ ვინისიუსი გუშინ Globe Soccer Awards-ის ვერსიით ევროპის 2024 წლის საუკეთესო ფეხბურთელად დაასახელეს.
