რა იქნება იანვარში - რეალის გადაწყვეტილება
უმძიმესი საკადრო პრობლემების ფონზე, არსებობდა მოლოდინი იმისა, რომ ზამთრის სატრანსფერო ფანჯრის პერიოდში „რეალი“ იაქტიურებდა და მადრიდელები განსაკუთრებით დაცვის ხაზს გააძლიერებდნენ. ამ ყველაფრის წინაპირობა კი ედერ მილიტაოსა და დანი კარვახალის არყოფნაა, რომლებიც შემოდგომაზე მიღებული სერიოზული ტრავმების გამო, მოასწრებენ თუ არა ამ სეზონში გამოჯანმრთელებას, ამის შესახებ სამედიცინო შტაბს გადაჭრით რაიმეს თქმა უჭირს.
თუმცა, სამეფო კლუბმა გაავრცელა ოფიციალური განცხადება, სადაც წერია, რომ კლუბი იანვარში არც ერთი მოთამაშის დამატებას არ გეგმავს და მთელი ყურადღება ზაფხულისკენ იქნება გადატანილი, როდესაც ისინი თავისუფალი აგენტების სტატუსით „ლივერპულიდან“ ტრენტ ალექსანდრ-არნოლდის, ხოლო „ბაიერნიდან“ ალფონსო დევისის გაფორმებას შეეცდებიან. არსებული პრობლემების აღმოფხვრა კი კარლო ანჩელოტის დავიდ ალაბას დაბრუნების შემდეგაც რეალურად ეჩვენება და გარდა ამისა, ის ახალგაზრდა რაულ ასენსიოს ასპარეზობითაც კმაყოფილია.
2025 წელს „ბლანკოსი“ 3 იანვარს, „ვალენსიასთან“ სტუმრად გასამართი თამაშით დაიწყებს, რომელიც შემოდგომაზე უნდა გამართულიყო, მაგრამ ესპანეთის სამხრეთ-აღმოსავლეთით მომხდარი წყალდიდობის გამო გადაიდო.
