გალათასარაი მზადაა შეთავაზება გაზარდოს | რას წერენ მიქაუტაძეზე

გიორგი მიქაუტაძის მომავალი თურქული პრესის მთავარი სასაუბრო თემაა. ქართველი ფეხბურთელის საკუთარ რიგებში ხილვით რამდენიმე კლუბია დაინტერესებული და ამ მომენტისთვის, ყველაზე მეტად „გალათასარაი“ აქტიურობს.

თურქული გამოცემების ინფორმაციით, „გალამ“ „ლიონს“ წინადადებით მიმართა და 18 მილიონი ევროს გადახდაზე თანხმობა განაცხადა. ფრანგებმა მიღებულ შეთავაზებაზე უარი განაცხადეს, მაგრამ „გალათასარაი“ დანებებას არ აპირებს.

თურქი ჟურნალისტის, ქაია თემელის მიხედვით, „გალა“ მზადაა, „ლიონს“ გაუმჯობესებული წინადადება წარუდგინოს. სტამბულელები თანახმა არიან, მიქაუტაძის სანაცვლოდ 20 მილიონს ჩამოვიდნენ. მათი პრობლემა ისაა, რომ სავარაუდოდ, „ლიონის“ დასაყოლიებლად საკმარისი არც ეს თანხა იქნება. ფრანგების მიზანი 23 მილიონის მიღებაა.

ცნობისთვის, მიქაუტაძეს „ლიონთან“ კონტრაქტი 2028 წლის ზაფხულამდე აკავშირებს. Transfermarkt-ზე მისი ღირებულება 18 მილიონი ევროა. „გალათასარაის“ გარდა, ქართველი ფეხბურთელი „მარსელს“, „ლევერკუზენს“, „ევერტონს“, „იუვენტუსს“, „ბოლონიასა“ და „რომას“ დაუკავშირეს.