GFF Awards 2024 | წლის საუკეთესო ფეხბურთელი მამარდაშვილი გახდა, ქალთა შორის ბაქრაძე გამოარჩიეს
დღეს, სასტუმრო პულმანში, საქართველოს ფეხბურთის ფედერაციის წლის შემაჯამებელი ღონისძიება, GFF Awards 2024 გაიმართა. GFF Awards 2024-ზე საუკეთესოები სხვადასხვა ნომინაციებში გამოვლინდნენ და გამოკითხვაში მონაწილეობა ვეტერანმა ფეხბურთელებმა, ეროვნული ნაკრების ყოფილმა მოთამაშეებმა, საქართველოს ვეტერან ფეხბურთელთა გაერთიანების წევრებმა და სპორტულ ჟურნალისტთა ასოციაციის წევრებმა მიიღეს.
2024 წლის საუკეთესო კაცი ფეხბურთელის ჯილდოზე გიორგი მამარდაშვილი, გიორგი მიქაუტაძე და ხვიჩა კვარაცხელია იყვნენ წარდგენილი. გამარჯვებული გიორგი მამარდაშვილი გახდა. „მამარდა“ აკაკი დევაძის შემდეგ პირველი მეკარეა, რომელმაც საქართველოს წლის საუკეთესო ფეხბურთელის სტატუსი დაისაკუთრა.
2024 წლის საუკეთესო ქალი ფეხბურთელის ჯილდოზე ნინო ბუხრიკიძე, თეონა ბაქრაძე და ანანო წიქარიძე იყვნენ წარდგენილი. გამარჯვებული თეონა ბაქრაძე გახდა.
2024 წლის საუკეთესო ახალგაზრდა ფეხბურთელი - საბა გოგლიჩიძე
2024 წლის საუკეთესო ფუტსალის მოთამაშე - გიორგი ღავთაძე
2024 წლის საუკეთესო მსაჯი - გიორგი ყრუაშვილი
ალექსანდრე ჩივაძის მედალი [U19] საბა სამუშია (ოქრო), ვახტანგ სალია (ვერცხლი) ცოტნე ბერელიძე (ბრინჯაო).
ალექსანდრე ჩივაძის მედალი [U17]: საბა ხარებაშვილი (ოქრო), ანდრია ბართიშვილი (ვერცხლი), მათე შათირიშვილი (ბრინჯაო).
