„უნდა აირჩიოთ - სანახაობა გინდათ, თუ ტრავმები?“ - კარვახალი კალენდარზე

დანიელ კარვახალმა გადატვირთულ საფეხბურთო კალენდარზე ისაუბრა.

„ეს ძალიან რთული თემაა. ფეხბურთელები, რომლებიც კლუბებში სასტარტოს წევრები არიან და შემდეგ ეროვნულ ნაკრებებშიც თამაშობენ - მათთვის დატვირთვა გაცილებით მაღალია. დიდი პატივისცემის მიუხედავად, ლეგანესის მოთამაშეებს მსგავსი დატვირთვის ქვეშ თამაში არ უწევთ.

მათ (უეფა) ახსენეს, რომ ჩვენ სხვების ფონზე მაღალი ხელფასიც გვაქვს. აქ ფულზე საუბარი არ არის. ჩვენ არასდროს გვითქვამს, რომ საჭიროა ნაკლები მატჩი და ნაკლები ანაზღაურება. ვხედავთ, რომ მატჩების ამხელა რაოდენობა ტრავმებს იწვევს.

და მიუხედავად იმისა, რომ დიდი გუნდები ამბობენ, ფეხბურთელების შეცვლა შეუძლიათ, მიმართონ როტაციას, ეს პრობლემას მაინც ვერ აგვარებს. ხალხი სტადიონზე მიდის ვინისიუსის, ბელინგემისა და მბაპეს საყურებლად. მათი საუკეთესო ვერსიების სანახავად. ქომაგებს არ უნდათ, რომ ჩვენ დაღლილები გამოვიყურებოდეთ და ცუდად ვითამაშოთ. საამისოდ უნდა შეიქმნას უფრო მარტივი კალენდარი. გამოსავალი მხოლოდ ეს არის.

სეზონში შესაძლოა ზოგს 70 მატჩამდე თამაშის ჩატარება მოუწიოს. 5 სანაკრებო შესვენებაა, რა დროსაც შესაძლოა ოკეანეების გადაკვეთა მოგიწიოს. ეს არ არის მხოლოდ შეხვედრები, აქ საუბარია მოგზაურობაზე, ცოტა დროზე რომელსაც ოჯახთან ვატარებთ. ეს გადატვირთვაა და შეუძლებელია ეს დონე ყოველ სამ დღეში ერთხელ შეინარჩუნო.

თუმცა, ჩვენ არ ვწყვეტთ. ჩვენ ვხედავთ მას, როგორც სუფთა ბიზნესს: მეტი თამაში, მეტი ფული, მეტი ადამიანი შოულობს. ეს არის საქმის არსი“,

- განაცხადა კარვახალმა.