NBA: ბითაძის მორიგი ორმაგი დუბლი - ორლანდომ 0.5 წამით ადრე წააგო

გამთენიისას NBA-ში მორიგი ტურის შეხვედრები გაიმართა, რომელთაგან ჩვენს დიდ ინტერესს „მაიამი ჰიტისა“ და „ორლანდო მეჯიქის“ დაპირისპირება იწვევდა. ძალიან დაძაბული შეხვედრა დრამატული ფინალით დასრულდა და „მაიამიმ“ ბოლო წამებზე მოიგო - 89:88.

გოგა ბითაძემ ამჯერადაც გამოიჩინა თავი და ორმაგი დუბლი შეასრულა: 32:47 წუთი, 10 ქულა 14 მოხსნა 2 პასი 3 ჩაჭრა 3 ბლოკი. ქართველმა ცენტრმა შეხვედრის დასრულებამდე 4 წამით ადრე ორქულიანი ჩააგდო და „ორლანდო“ 88:87 დააწინაურა. თუმცა სამწუხაროდ „მეჯიქმა“ ოთხი წამი ვერ გაძლო და ტაილერ ჰიროუს ორქულიანით დამარცხდნენ.

 გოგამ თავის გუნდში ყველაზე მაღალი შეფასება დაიმსახურა - 7.3.

რაც შეეხება უშუალოდ შეხვედრას, „ორლანდო“ მთელი სამი მეოთხედის განმავლობაში იგებდა და დამაჯერებლადაც გამოიყურებოდა, თუმცა 17-ქულიანი ფორა ვერ შეინარჩუნეს და დასკვნითი მეოთხედი 17:28 წააგეს. ბოლო წამებზე კი როგორც უკვე ვახსენეთ, სირენამდე 0.5 წამით ადრე ტაილერ ჰიროუს ორქულიანი გამოდგა გადამწყვეტი.

შეხვედრაში ყველაზე მეტი 29 ქულა „ორლანდოდან“ ჯეილენ საგსმა ჩააგდო. „მაიამიდან“ კი 20 ქულით ტაილერ ჰიროუ იყო საუკეთესო.

ამ მარცხის შემდეგ, აღმოსავლეთ კონფერენციაში „ორლანდო“ 19 მოგებითა და 13 მარცხით მე-4 პოზიციაზე რჩება. „მაიამი“ კი 15 მოგებითა და 13 მარცხით მე-6 ადგილზეა.

ბითაძის გუნდს მომდევნო შეხვედრა (04:00) 28 დეკემბერს „ნიუ იორ ნიქსთან“ ელის.