ნაპოლის 2024 წლის საუკეთესო გოლი: კვარას შედევრი ქომაგთა რჩეულია

„ნაპოლიმ“ თავის ქომაგებში გამოკითხვა ჩაატარა და წლის საუკეთესო გოლი გამოავლინა. სასიხარულოა, რომ „პარტენოპეის“ გულშემატკივრებმა არჩევანი ხვიჩა კვარაცხელიას გოლზე შეაჩერეს.

ასარჩევად 3 გოლი იყო წარდგენილი: პოლიტანოს გოლი „მონცას“ წინააღმდეგ (სერია A), ნგონგეს გოლი „პალერმოსთან“ (იტალიის თასი) და კვარას გოლი „ვერონასთან“ (სერია A).

View this post on Instagram

A post shared by SSC Napoli (@officialsscnapoli)

4 თებერვალს, 23 ტურის მატჩი ალბათ ბევრს კარგად ახსოვს, როცა „ნაპოლიმ“ „ვერონას“ უმასპინძლა. ანგარიში 88-ე წუთამდე 1:1 იყო, რა დროსაც კვარაცხელიამ საჯარიმოს გარედან ულამაზესად გაისროლა და ბურთი ცხრიანში მოათავსა.

შეგახსენებთ, რომ „ნაპოლი“ 2024 წლის ბოლო შეხვედრას 29 დეკემბერს, საკუთარ მოედანზე „ვენეციას“ წინააღმდეგ გამართავს. მატჩი 18:00-ზე დაიწყება.

ანტონიო კონტეს გუნდი 17 ტურის შემდეგ 38 ქულით მეორე ადგილზეა და ლიდერ „ატალანტას“ 2 ქულით ჩამორჩება.

კვარას გოლი ვერონასთან - ყველა რაკურსით