ჰოლანდმა პენალტი ვერ გაიტანა | გუარდიოლას სიტიმ ევერტონსაც ვერ მოუგო
„მანჩესტერ სიტის“ წარუმატებელი სერია გრძელდება. ინგლისის პრემიერ ლიგის „ბოქსინგ დეი“ „ქალაქელებისა“ და „ევერტონის“ დაპირისპირებით გაიხსნა. პეპ გუარდიოლას ბიჭები მასპინძლის რანგში იყვნენ და იგებდნენ კიდეც, მაგრამ მატჩი ფრედ, 1:1 დასრულდა.
შეხვედრაში ანგარიში მე-14 წუთზე გაიხსნა და „სიტი“ ბერნარდუ სილვამ დააწინაურა. „კანფეტებმა“ 36-ე წუთზე, ილიმან ნდიაიეს გოლით გაათანაბრეს და პირველი ნახევრის შემდეგ, ტაბლოზე 1:1 ეწერა.
მეორე ტაიმში, „სიტის“ წინ გასვლის ბრწყინვალე შანსი ჰქონდა. „ქალაქელებმა“ თერტმეტმეტრიანის დარტყმის უფლება მიიღეს და პენალტის ნიშნულთან ერლინგ ჰოლანდი მივიდა. ნორვეგიელმა თავდამსხმელმა ჯორდან პიკფორდს ვერ აჯობა და რამდენიმე წამის შემდეგ, მის მიერ გატანილი გოლი, თამაშგარე მდგომარეობის გამო გაუქმდა.
???? pic.twitter.com/kCCuEvF6Tt
— Sky Sports Premier League (@SkySportsPL) December 26, 2024
ამრიგად, „სიტიმ“ ბოლო 13 თამაშიდან მხოლოდ ერთი მოიგო, 3 ფრედ ითამაშა, 9 წააგო. ნოემბრის დასაწყისიდან, „სიტი“ პრემიერ ლიგის ყველაზე ცუდი გუნდია და „ქალაქელებმა“ შესაძლო 27-დან, მხოლოდ 5 ქულა აიღეს. პრემიერ ლიგის 18 ტურის შემდეგ, გუარდიოლას გუნდი სატურნირო ცხრილის მე-6 პოზიციას იკავებს. „ქალაქელებს“ 28 ქულა აქვთ და ლიდერ „ლივერპულს“, რომელსაც მათზე 2-ით ნაკლები მატჩი აქვს გამართული, 11 ქულით ჩამორჩებიან. „სიტის“ ოთხეულამდე 3 ქულა აშორებს და მომდევნო შეხვედრა 29 დეკემბერს, „ლესტერთან“ ელის.
