მენდესი: ერთადერთი ადამიანი, რომელმაც ნურმაგომედოვს სპარინგში რაუნდი მოუგო, მახაჩევია

UFC-ის მსუბუქი წონის ჩემპიონის, ისლამ მახაჩევის მწვრთნელმა, ხავიერ მენდესმა, რომელსაც ხაბიბ ნურმაგომედოვთან, კეინ ველასკესთან, დენიელ კორმიესთან და სხვა ლეგენდებთან უმუშავია, ხაბიბ ნურმაგომედოვსა და ისლამ მახაჩევს შორის სპარინგზე ილაპარაკა.

მენდესის თქმით, 12 წლის განმავლობაში, რაც ხაბიბი მის დარბაზში ვარჯიშობს, ის სპარინგში არც ერთ რაუნდი არ დამარცხებულა.

„არავის გაუკეთებია ეს, გარდა ერთი ადამიანისა - ეს ისლამი იყო. მახაჩევი ერთადერთი ადამიანია, რომელმაც რაუნდის მოგება შეძლო“, - თქვა მედესმა.

შეგახსენებთ, რომ ისლამ მახაჩევს ბრძოლა არმან ცარუკიანთან აქვს, რომელიც 19 იანვარს, UFC 311-ზე გაიმართება და ღონისძიების მთავარი მოვლენა იქნება.

მათი პირველი დაპირისპირება 2019 წლის აპრილში, UFC Fight Night 149-ზე გაიმართა და ის ისლამის გამარჯვებით დასრულდა.