„100 დოლარად ვიყიდე“ | უსიკისა და ყალბი Rolex-ის ამბავი

ოლექსანდრ უსიკმა, რომელმაც რამდენიმე დღის წინ, ტაისონ ფიური დაამარცხა, აღიარა, რომ ყალბი Rolex-ი უკეთია. უკრაინელმა მოკრივემ ინტერვიუ United 44-ს მისცა და მისი მიმდინარეობისას, კამერას საკუთარი საათი უჩვენა, მაგრამ მალევე აღიარა, რომ მისი შეძენა სულ რაღაც 100 აშშ დოლარი დაუჯდა.

„ცოტათი დავიტრაბახე და ოპერატორს ჩემი საათი ვაჩვენე, მაგრამ ეს ჩინური Rolex-ია. თურქეთში ვიყავი სავარჯიშოდ და შემხვდნენ ადამიანები, რომლებიც პლაჟზე Rolex-ებს ყიდდნენ. ჩავთვალე, რომ ვერავინ მიხვდებოდა, რომ ყალბი Rolex-ი მიკეთია და საათი 100 დოლარად ვიყიდე“.

უსიკის ვარაუდი გამართლდა და თავად განაცხადა, რომ მისთვის არავის უთქვამს, რომ ყალბი Rolex-ი უკეთია. სხვადასხვა გამოცემის ინფორმაციით, „თეთრმა კურდღელმა“ „ბოშათა მეფესთან“ ჩხუბის სანაცვლოდ 86 მილიონი დოლარი მიიღო, ფიურიმ დაახლოებით - 70 მილიონი.

Oleksandr Usyk got stopped in the street for a fit check and flexed his fake $100 Rolex ???? pic.twitter.com/wcprMoIFj8

— Happy Punch (@HappyPunch) December 25, 2024

შეგახსენებთ, რომ უსიკმა მეტოქე მსაჯების ერთსულოვანი გადაწყვეტილებით დაამარცხა და WBA-ის, WBC-ის, WBO-ს, IBO-სა და Ring-ის საჩემპიონო ქამრები შეინარჩუნა. გამარჯვების შემდეგ, უსიკთან დანიელ დუბუა მივიდა და რემატჩი მოითხოვა, რაზეც უკრაინელმა თანხმობა განაცხადა.