ვინისიუსი აშშ-ში - ბრაზილიელი ნიქსი-სან ანტონიოს დაესწრო

ევროპულ ფეხბურთში გამოცხადებული არდადეგებით ვინისიუს ჟუნიორმა კარგად ისარგებლა, ნიუ-იორკში გაემგზავრა და ადგილობრივი „ნიქსისა“ და „სან ანტონიოს“ შეხვედრას დაესწრო, რომლის დასრულების შემდეგაც მასპინძლების კალათბურთელ ჯოშ ჰარტთან სამახსოვრო ფოტოებიც გადაიღო. „რეალის“ ბრაზილიელი ფეხბურთელი NBA-ს დიდი გულშემატკივარია და როგორცკი თავისუფალი დრო აქვს, მაშინვე ოკეანისგაღმა მიემგზავრა და საინტერესო მატჩებს ესწრება.

თამაში „ნიქსმა“ 3-ქულიანი სხვაობით, 117:114 მოიგო, თუმცა მატჩის ყველაზე შედეგიანი კალათბურთელი „სპურსის“ ფრანგი ვარსკვლავი ვიქტორ ვემბანიამა გახდა, რომელმაც ორმაგი დუბლი შეასრულა და მატჩი 42 ქულით, 18 მოხსნითა და 4 შედეგიანი გადაცემით დაამთავრა. უკანასკნელი შეხვედრების მსგავსად, სამწუხაროდ ამჯერადაც არ მისცემია თავის გამოჩენის საშუალება „სან ანტონიოს“ ქართველ ლეგიონერს სანდრო მამუკელაშვილს, რომელიც აშკარად უსამართლოდ იჩაგრება, რადგან როცა შანსს აძლევენ, თითქმის ყოველთვის შედეგიანად ასპარეზობს.

ვინისიუსი სამეფო კლუბს უახლოეს დღეებში შეუერთდება და „ვალენსიასთან“ სტუმრად გასამართი მატჩისთვის დაიწყებს მზადებას, რომელიც შემოდგომაზე უნდა ჩატარებულიყო, მაგრამ მომხდარი წყალდიდობის გამო გადაიდო.