რა სჭირდება ნაპოლის იანვარში? - კონტეს გეგმები და მოთხოვნები
იტალიური გამოცემა Football Italia ნაპოლის ზამთრის სატრანსფერო ფანჯრის გეგმებზე წერს.
Football Italia:
„ნაპოლის მხოლოდ სერია ა-ში უწევს თამაში, მაგრამ ანტონიო კონტე მაინც ეძებს ტრავმირებული ალესანდრო ბონჯორნოს შემცვლელს. იტალიელმა მცველმა დეკემბერში ტრავმა მიიღო და 45 დღით იუქმებს. ეს იმას ნიშნავს, რომ პარტენოპეის მისი სოლიდური შემცვლელი სჭირდება.
რამდენიმე იტალიური გამოცემა წერს, რომ ნაპოლი დანილოს შეუთანხმდა, თუმცა შესაძლოა ბრაზილიელის ტრანსფერი იანვარში არ გაიჩარხოს.
არის კიდევ ერთი კანდიდატი. ნაპოლი არსენალის ფეხბურთელს იაკუბ კივიორს აკვირდება, მაგრამ კონტეს ის იჯარის წესით სურს, არსენალს იჯარა არ აწყობს და მხოლოდ გაყიდვაზეა ორიენტირებული.
ასევე ცნობილი გახდა, რომ გუნდის დატოვება ჯოვანი სიმეონეს სურს, რადგან ის ბევრ სათამაშო დროს ვერ იღებს. თუ ის წავა, ნაპოლის სათადარიგოთა სკამის თავდამსხმელის მოყვანა მოუწევს.
იგივე სიტუაცია გვხვდება რასპადორის შემთხვევაში. გავრცელებული ინფორმაციით, იუვენტუსს მისი დანილოს ტრანსფერში ჩართვა სურს, მაგრამ ჯერჯერობით ნაპოლი ჯაკომოს გაყიდვის წინააღმდეგია.
არავინ იცის რა მოხდება იანვარში, მაგრამ ერთ რამ ნათელია - კონტეს ჩემპიონობა სურს და ამისთვის შემადგენლობის გაძლიერება სჭირდება.
შეგახსენებთ, ნაპოლი ამ მომენტისთვის სერია ა-ს სატურნირო ცხრილში 38 ქულით მეორე ადგილზე იმყოფება და ლიდერ ატალანტას 2 ქულით ჩამორჩება, თუმცა ინტერს, რომელსაც 37 ქულა აქვს და მესამე პოზიციას იკავებს, პარტენოპეისგან განსხვავებით, ერთი მატჩით ნაკლები აქვს ჩატარებული, მოგების შემთხვევაში ნერაძური კონტეს გუნდს გადაასწრებს.
