გალათასარაიმ ლიონს მიქაუტაძის თაობაზე ოფიციალურად მიმართა
გიორგი მიქაუტაძის მიმართ „გალათასარაის“ ინტერესის შესახებ უკვე ორი დღეა აქტიურად იწერება. ამჯერად, ცნობილმა ინსაიდერმა ფაბრიციო რომანომ დაწერა, რომ თურქულმა კლუბმა ოფიციალური შეთავაზებაც გააკეთა.
როგორც ირკვევა, „ლიონმა“ ჟორჟის სანაცვლოდ პირველი ოფიციალური წინადადება მიიღო. საუბარია დაახლოებით 17 მილიონ ევროზე და პლუს ბონუსებზე, რაც ჯერჯერობით ფრანგებისთვის საკმარისი არ არის, რომ ქართველი ფორვარდის გაშვებაზე თანხმობა განაცხადონ.
???????????? Olympique Lyon have received an initial bid from Galatasaray for Georges Mikautadze.
— Fabrizio Romano (@FabrizioRomano) December 25, 2024
The proposal worth around €17m plus add-ons is still not enough to convince OL to let Mikautadze leave. pic.twitter.com/NCKoUFeVDV
როგორც ცნობილია, „ლიონს“ დაახლოებით 25 მილიონი ევროს მიღება სურს. ასე, რომ ვაჭრობა გრძელდება.
„გალათასარაის“ გარდა, მიქაუტაძით „რომა“, „იუვენტუსი“, „ბოლონია“ და „ვესტ ჰემი“ ინტერესდებიან, მაგრამ კონკრეტული ნაბიჯები ჯერ არ გადაუდგამთ. მიქაუტაძეს „ლიონთან“ კონტრაქტი 2028 წლის ზაფხულამდე აკავშირებს. Transfermarkt-ზე მისი ღირებულება 18 მილიონი ევროა.
ბოლოს გეტყვით, რომ მიმდინარე სეზონში მიქაუტაძის ანგარიშზე უკვე 7 გოლი და 1 საგოლე გადაცემაა.
