კვარა თუ აკგუნი? - რა უპასუხა ოსიმენმა თურქ ჟურნალისტს
„გალათასარაის“ შემტევმა, ვიქტორ ოსიმენმა თურქეთის სუპერლიგის მე-17 ტურში, „კაიზერსპორთან“ 5:1 გამარჯვების შემდეგ ხვიჩა კვარაცხელია და ამჟამად მისი თანაგუნდელი, იუნუს აკგუნი შეადარა.
ჟურნალისტის კითხვაზე, თუ რომელი ფეხბურთელია უკეთესი, ოსიმენმა ასე უპასუხა: „ორივე კარგი ფეხბურთელია“.
შეგახსენებთ, რომ ვიქტორ ოსიმენი ამ დრომდე „ნაპოლის“ საკუთრებაა და „გალათასარაიში“ იჯარის წესით თამაშობს. ნიგერიელმა ფეხბურთელმა 2022/23 წლების სეზონში ხვიჩა კვარაცხელიასთან ერთად იტალიის სერია A მოიგო, ქართულ-ნიგერიული დუეტი კი იმ სეზონში მთელი მსოფლიოს მასშტაბით ერთ-ერთი საუკეთესო იყო.
