დიბუ მარტინესი: “მესისნაირი აურა სხვა არცერთ ფეხბურთელს არ აქვს“
როგორც მოგეხსენებათ, ემილიანო მარტინესი და ლიოენლ მესი საკმაოდ ახლო მეგობრები არიან. არგენტინელ კარის დარაჯს საჯაროდ არაერთხელ შეუქია 8 ოქროს ბურთის მფლობელი.
პოდკასტში სახელად Men in Blazers ასტონ ვილას მეკარემ კიდევ ერთხელ ისაუბრა ლიონელის შესახებ.
მარტინესი:
„სიმართლე გითხრათ, ეროვნულ ნაკრებში ახალგაზრდა ფეხბურთელებს მესისთან შეხვედრა ანერვიულებთ, მაგრამ პირადად მე არა. ჩვენ ყველანი ერთნაირები ვართ. ზოგადად, ყველასთან ვხუმრობ და კარგი ურთიერთობა მაქვს.
მესი აქვს ისეთი აურა, რომელიც არავის აქვს ფეხბურთში. ხშირად ვსადილობთ ერთად და ვხუმრობთ. მას აქვს სუპერ ნიჭი და როცა იბადები სუპერ ნიჭით მოგყვება ენერგეტიკა, რომელიც ყველასგან გამოგარჩევს.“
შეგახსენებთ, რომ 2022 წლის მსოფლიო ჩემპიონატის მოგებაში მარტინესმა უდიდესი როლი შეასრულა. მან არაერთი თერთმეტმეტრიანი მოიგერია, მათ შორის ფინალში.
ასევე შეგახსენებთ, 2024 წელს FIFA-ს ვერსიით წლის საუკეთესო მეკარე სწორედ ემილიანო მარტინესი გახდა.
