კარგი ამბავი - ბოვე სტადიონზე დაბრუნდა და სათადარიგოთა სკამზე იჯდა
სერია ა-ს გასულ ტურში ფიორენტინამ უდინეზეს უმასპინძლა და 1:2 დამარცხდა. წაგება, რა თქმა უნდა, არასასიამოვნო იყო, მაგრამ გულშემატკივრებისთვის ერთი კარგი ამბავი მაინც მოხდა.
მატჩის დროს, მასპინძელთა გუნდის მთავარი მწვრთნელის გვერდით ედოარდო ბოვე გამოჩნდა. მისი დაბრუნება გულშემატკივრებმა ოვაციებით აღნიშნეს.
Edoardo Bove is back at the Stadio Artemio Franchi ????#FiorentinaUdinese pic.twitter.com/7fqSVnrp0O
— Lega Serie A (@SerieA_EN) December 23, 2024
შეგახსენებთ, რომ იტალიელმა ფეხბურთელმა გულის შეტევა ინტერთან მატჩის დროს დაემართა. ახალგაზრდა მოთამაშე უმალ საავადმყოფოში გადაიყვანეს და სიკვდილს გადაარჩინეს.
რაც შეეხება მის მდგომარეობას, ახლა ედოარდოს გულის სპეციალური დეფრიბილატორი უკეთია. სამწუხაროდ, სერია ა-ს წესების მიხედვით, იმ ფეხბურთელს, რომელსაც გულის დეფრიბილატორი ესაჭიროება, იტალიის ჩემპიონატში ვერ ითამაშებს.
მეტიც, მას სათადარიგოთა სკამზე ჯდომისთვის სპეციალური ნებართვა სჭირდება. უდინეზესთან შეხვედრისას გამონაკლისი დაუშვეს. იმ შემთხვევაში, თუ ბოვე დეფრიბილატორს არ მოიხსნის, სერია-აში ვერ ითამაშებს, თუმცა სხვა ქვეყნებში კარიერის გაგრძელება თავისუფლად შეუძლია.
მსგავსი შემთხვევა დაფიქსირდა კრისტიან ერიქსენის შემთხვევაში, რის გამოც იტალია დატოვა და კარიერა ჯერ ბრენტფორდში გააგრძელა, შემდეგ კი მანჩესტერ იუნაიტედს მიაშურა.
